18/1/09

"Imagine" subtitulada en español





Poema: "Nalgún lugar"

Nalgún lugar
ten que haber un raio de luz
que disipe as tebras do futuro
unha esperanza
que non se deixe matar polo desencanto
e unha fe
que non perda inmediatamente a fe en se mesma



Nalgún lugar
ten que haber un neno inocente
ao que os demos non conquistaron aínda
un frescor de vida
que non espire putrefacción
e unha felicidade
que non se basee nas desgrazas dos demais.


Nalgún lugar
ten que haber un despertador da sensatez
que avise do perigo dos xogos autoaniquiladores
unha gravidade
que se atreva a tomarse en serio
e unha bondade
cuxa raíz non sexa simplemente maldade freada.


Nalgún lugar
ten que haber unha beleza
que siga sendo beleza
unha conciencia pura
que non oculte un crime apartado
ten que haber
un amor á vida
que non fale con lingua equívoca
e unha liberdade
que non se basee na opresión dos demais.


MARIA WINE



http://www.arrakis.es/~aarias/poemas2.htm

Frases de Gandhi

paloma-389x289.jpg"Case todo o que realice será insignificante, pero é moi importante que o faga."

"Non hai camiño para a paz, a paz é o camiño."

"O que se obtén con violencia, soamente se pode manter con violencia."

"A violencia é o medo aos ideais dos demais."

Gandhi e o Día Escolar da Paz

gandhi-520x904.jpg

O 30 de xaneiro de 1948, mentres se dirixía ao seu habitual rezo da tarde, foi asasinado "Mahatma" Gandhi por Vinayak Nathura Godse, membro dun grupo extremista hindú.

Pola importancia de Gandhi no camiño cara a outro mundo posible esa data foi elixida polas Nacións Unidas como día mundial para conmemorar o Día da Paz.




 

UN CONTO:"Buscando a paz"

Había unha vez un rei que ofreceu un gran premio a aquel artista que puidese captar nunha pintura a paz perfecta. Moitos artistas intentárono. O rei observou e admirou todas as pinturas, pero soamente houbo dúas que a el realmente gustáronlle e tivo que escoller entre elas.

A primeira era un lago moi tranquilo. Este lago era un espello perfecto onde se reflectían unhas placidas montañas que o rodeaban. Sobre estas atopábase un ceo moi azul con tenues nubes brancas. Tódolos que miraron esta pintura pensaron que esta reflectía a paz perfecta.


A segunda pintura tamén tiña montañas. Pero estas eran escabrosas e descubertas. Sobre elas había un ceo furioso do cal caía un impetuoso augaceiro con raios e tronos. Montaña abaixo parecía retumbar un espumoso torrente de auga. Todo isto non se revelaba para nada pacífico.


Pero cando o Rei observou cuidadosamente, viu trala cascada un delicado arbusto crecendo nunha fenda da rocha. Neste arbusto atopábase un niño. Alí, no medio do ruxir do a violenta caída de auga, estaba sentado placidamente un paxariño no seu niño...


¿Paz perfecta...?


¿Cal cres que foi a pintura ganadora?


O Rei escolleu a segunda.


¿Sabes por que?


"Porque," explicaba o Rei:  "Paz non significa estar nun lugar sen ruxidos, sen problemas, sen traballo duro ou sen dor. Paz significa que malia estar no medio de todas estas cousas permanezamos acougados dentro do noso corazón. Este é o verdadeiro significado da paz."


5/1/09

Cando se empeza a amar a lectura:

Simplemente observade este video... así empezan os nenos a ter gusto pola lectura.






Eu leo, ti lees...



ESTRATEXIAS PARA AS FAMILIAS:

A primeira: Crear en casa un ambiente de lectura. Ver ao pai ou á nai cun libro ou un xornal nas mans convértese nunha referencia importante do propio comportamento. Supón ademais que na familia hai intres dedicados á lectura aos que os fillos pódense sumar.

A segunda: Falar sobre libros. Oír como se comenta o interese -ou ata o aburrimiento, por que non- que suscita a novela que tes entre mans prolonga a actividade lectora; créase unha transmisión de saberes e de comunicación moi importante para cimentar o gusto lector.

A terceira: Ler os libros apropiados para o teu fillo. Achegarse á inmensa oferta actual de libros infantís e compartilos cos fillos vai supoñer para moitos pais o descubrimento dunha literatura rica e variada, que proporciona momentos de conversación e intercambio cos nenos.

A cuarta: Buscar entre esta oferta temas que conecten coas súas afeccións. Hai libros infantís sobre moitos campos e dirixidos a mentalidades e idades moi variadas. Non hai dúbida de que sobre o que lle gusta ao teu fillo hai tamén títulos interesantes que lle poden atrapar.

A quinta: Converter a tele nunha aliada, non nun inimigo. Se a pequena pantalla é o que realmente  lle engancha, hai que fixarse nos seus programas e películas preferidos e tratar de buscar libros relacionados coa súa paixón. Temos xa garantido un mínimo de interese.

A sexta: Coñecer a biblioteca pública do barrio. Os fondos da sección infantil e xuvenil das bibliotecas públicas ofrecen moitos máis libros dos que se poidan comprar en casa. Adoitan celebrarse ademais actividades de animación á lectura e encontros con outros lectores.

A sétima: Incluír nas saídas de compras unha volta por unha boa librería. Aínda que non se compre nada, é bo ver as novidades que apareceron, ou que hai sobre un autor ou un tema que lle interesou.

A oitava: Tratar de pescudar que tipo de lector é o noso fillo e respectar os seus ritmos. Hai lectores compulsivos, que non paran ata que rematan o libro. Hainos, en cambio, calmosos. Hai lectores a quen lles gusta reler o mesmo libro e hainos ávidos de novidades. Hainos noctámbulos e diurnos. Darlle unha marxe ao seu xeito de ler contribúe a consolidar o hábito.

A novena: Non empeñarse en que lle guste o mesmo que aos seus pais. Hai que recordar que se está forxando o seu gusto pola lectura, non o de papá e mamá. E hai que saber esperar para dar os libros adecuados no momento oportuno.

Para rematar, o consello máis importante: non hai que impacientarse se vemos que estas estratexias non funcionan á primeira. Justamente porque actúan de xeito indirecto, costa ás veces que arraiguen desde o primeiro momento. A base de tantear, de descubrir as súas afeccións e as súas inquietudes pódese ir marcando a liña pola que desenvolver este hábito de xeito efectivo, e, sobre todo, afectiva.


 http://www.educacioninfantil.com/displayarticle80.html